C 300- ից հետո՝ Նավթ՝ ապրանքի դիմաց. ՌԴ- Իրան հարաբերությունները արագորեն զարգանում են
Կրեմլը հայտարարել է Իրանի հետ առևտանավթային գործարքի մեկնարկի մասին. Ռուսաստանի նախագահի մամուլի խոսնակ Դմիտրի Պեսկովը հաստատել է, որ Մոսկվան սկսել է Իսլամական Հանրապետության հետ բարտերային գործարքի իրականացման նախագիծը, որը ենթադրվում է նավթի դիմաց ապրանքների մատակարարում։
Ավելի վաղ Ռուսաստանի փոխարտգործնախարար Սերգեյ Ռյաբկովը հայտարարել է, որ ապրանքափոխանակության գործարքն արդեն իրականացման փուլում է։ «Այն որևէ փաստաթղթով չի արգելվում, գործող պատժամիջոցների ռեժիմին նույնպես չի հակասում»,- ասել էր ռուս դիվանագետը:
Հիշեցնենք, որ նախօրեին Մոսկվան չեղյալ էր հայտարարել Իրանին C300 զենիթահրթիռային համակարգերի վաճառքի մասին արգելքը: Ռուսաստանի արտգործնախարար Սերգեյ Լավրովը նշել է, որ իրանական միջուկային ծրագրի վերաբերյալ բանակցություններում արձանագրված առաջնթացն է դարձել C 300 համակարգերի մատակարարման էմբարգոն չեղյալ է հայտարարվելու պատճառ:
Իրանն ակնկալում է, որ С-300 համակարգերի կմատակարարվեն ընթացիկ տարում։ ԻԻՀ Ազգային անվտանգության բարձրագույն խորհրդի նախագահ Ալի Շահմանին Մոսկվայի քայլը անվանել է «ազդակ տարածաշրջանի կայունության ապահովման համար»։ Շահմանին միաժամանակ համոզմունք է հայտնել, որ զենիթահրթիռային համակարգերի մատակարարման հարցը էական չէ Մոսկվա-Թեհրան հարաբերություններում «Ցանկանում եմ ընդգծել, որ ռուս-իրանական ռազմավարական հարաբերություններն ունեն հսկայական ներուժ»,- ասել է նա։
Իսկ ահա ԱՄՆ պետքարտուղար Ջոն Քերին՝ ՌԴ արտգործնախարար Սերգեյ Լավրովի հետ հեռախոսազրույցի ընթացքում մտահոգություն է հայտնել Իրանին զենիթահրթիռային С-300 համակարգեր մատակարարելու հնարավորության կապակցությամբ։