ԿարևորՄիջազգային
ՌԴ-ում ԱՄՆ դեսպան Թրեյսին ծրագրված այցով մեկնել է Մոսկվայից
ԱՄՆ դեսպան Լին Թրեյսին ծրագրված այցով մեկնել է Ռուսաստանից, նա կվերադառնա Մոսկվա, ՏԱՍՍ-ին հայտնել են ամերիկյան դեսպանատնից։
«Դեսպան Թրեյսին գտնվում է երկրից դուրս՝ նախապես ծրագրված այցի ընթացքում, դիվանագիտական առաքելությունը գլխավորում է ԱՄՆ գործերի ժամանակավոր հավատարմատար Ստեֆանի Հոլմսը», — ասել է գործակալության զրուցակիցը։
Ավելի վաղ ՌԴ փոխարտգործնախարար Սերգեյ Ռյաբկովը, պատասխանելով հարցին, թե Թրեյսին այսօր ներկա կգտնվի՞ ՌԴ նախագահ Վլադիմիր Պուտինի երդմնակալությանը, ասել է, որ ամերիկյան դիվանագիտական առաքելության ղեկավարը որոշակի ժամանակով լքել է Ռուսաստանը։