Հայ կինոյի օրը, Երևանում կայացած Հայկական ազգային կինոակադեմիայի «Անահիտ» 4-րդ մրցանակաբաշխության հանդիսավոր արարողության ժամանակ, «Լավագույն կարճամետրաժ ֆիլմ» ճանաչվեց «250 կմ»- ը։
«250 կմ»-ը 2020 թվականի արցախյան 44- օրյա պատերազմի դեպքերից մեկի հիման վրա նկարահանված ֆիլմ է, որն առայժմ ունի միջազգային 14 մրցանակ։
Ֆիլմի ռեժիսորը Հասմիկ Մովսիսյանն է, մասնագիտությամբ՝ բժիշկ, որն ավարտել է նաև Մոսկվայի Գերասիմովի անվան համառուսական պետական կինեմատոգրաֆիայի ինստիտուտը։ Երիտասարդ կինոռեժիսորը նկարահանել է 4 կարճամետրաժ ֆիլմեր, որոնցից մեկը եղել է դիպլոմային աշխատանք, որը հետո դարձել է ինքնուրույն ֆիլմ և մասնակցել միջազգային փատատոների՝ հասնելով մեծ հաջողությունների։
«250 կմ» ֆիլմը 2024 թվականի արժանացել է առաջին մրցանակի Օհայոյի Աթենքի 51-րդ միջազգային կինո+վիդեո փառատոնում (51st Athens International Film + Video Festival) և պաշտոնապես կարող է դառնալ Օսկարի հավակնորդ։
«Ինձ համար շատ կարևոր էր, որ Ֆիլմում ընդգրկվեին արցախցի դերասանները, և հնչի Արցախի բարբառը, ինչը կարողացա կազմակերպել»․ մեր զրույցում ասում է կինոռեժիսոր Հասմիկ Մովսիսյանը։