Աշխարհում այսօր շատ քիչ ազգեր կան, որ կարող են ասել՝ իրենց ներկայացուցիչները մասնակցել են անտիկ օլիմպիական խաղերին։ Էլ ավել քիչ ազգեր կարող են ասել`իրենց արքաները դարձել են օլիմպիական չեմպիոններ, ավելի քչերը, որ 1500-ամյա ընդմիջումից հետո իրենց ներկայացուցիչներն սկսել են մասնակցել նորագույն օլիմպիական խաղերին, եւ եզակիները, որ 1600 տարվա ընդմիջումից հետո սկսել են մասնակցել դրանց՝ որպես անկախ պետություն։
Օրեր առաջ Պեկինում ավարտվել են ձմեռային օլիմպիական խաղերը, որոնցում ոչ ձնառատ Հայաստանի մարզիկները մեդալներ չեն նվաճել։ Այս ձմեռային խաղերն էլ չեն անցել առանց աղմուկի, առանց, ըստ էության, քաղաքական խարդավանքների։
Պեկին 2022. հայ մարզիկները՝ ձմեռային օլիմպիական խաղերի բացման արարողությանը
Այս օլիմպիադայով Պեկինը դարձավ աշխարհում այն եզակի ու միակ քաղաքը, որն ընդունել է թե’ ձմեռային, թե’ ամառային օլիմպիական խաղեր։
Մենք, կարծես թե, Չինաստանը ե’ւ գիտենք, ե’ւ չգիտենք։ Բայց անգամ մեր շատ տարբեր մակարդակների իմացությամբ հանդերձ, հնարավոր չէ չնկատել, թե որքան ճոխ ու շքեղ են անցել խաղերը։ Չինաստանն ամեն ջանք ներդրել էր, որ աշխարհին ցույց տա, որ ինքը այլեւս գերտերություն է։
Պեկինի ձմեռային օլիմպիական խաղերը կմնան մարզիկների ու մարզասերների հիշողություններում որպես քովիդյան սահմանափակումներով ու մարզական զգացմունքներով ու նյարդերի պատերազմներով լի։ Բայց դրանք նաեւ հաղթանակի ու կամքի ուժի դրսեւորման խաղեր էին շատերի համար։
OLYMPIA, GREECE — OCTOBER 24: High priestess passes the Olympic flame at the Temple of Hera during a lighting ceremony of the Olympic flame in ancient Olympia on October 24, 2017 in Olympia, Greece. The flame will be transported by torch relay to the Pyeongchang, South Korea, which will host the 2018 Winter Olympics. (Photo by Milos Bicanski/Getty Images)
- Հայաստանում ինչպե՞ս է որոշվում՝ ո՞ր մարզիկն է գնալու օլիմպիադայի, եթե հնարավորությունները հավասար են,
- Ներքաղաքական կյանքն ու գործիչներն ինչպե՞ս են ազդում հայկական սպորտի վրա,
- Մրցելույթներում մարզիկի համար կոնկրետ իր ներկայացրած երկրի պատիվը ներկայացնելը մ՞եծ նշանակություն ունի, թե՞ այնուամենայնիվ, այդ ժամանակ դա այնքան էլ կարեւոր չէ,
- Մարզիկին ամենաշատը ի՞նչը կարող է «մրցագորգում» դավաճանել` հոգեբանական վիճա՞կը, մարզավիճա՞կը, շրջապա՞տը։
Արմեն ՎԱՐԴԱՆՅԱՆ
«Խոշորացույցի» տաղավարում Լոնդոնի օլիմպիական խաղերում հունահռոմեական ոճի ըմբշամարտի փոխչեմպիոն, աշխարհի եւ եվրոպայի չեմպիոն, պատմական գիտությունների թեկնածու, ինչպես նաեւ Ազգային ժողովի նախկին պատգամավոր Արսեն Ջուլֆալակյանի հետ խոսել ենք համաշխարհային սպորտի, համաշխարհային քաղաքականության ու համաշխարահային շահերի բախման մասին։
