Իրանում սպասվող զարգացումների հնարավոր ազդեցությունը հայ-իրանական հարաբերությունների վրա
Իրանի ու Վեցյակի միջև ստորագրված համաձայնագիրը առ ոչինչ է դառնում, հնչում են սուր հայտարարություններ: Բողոքի ցույցեր են Իրանում, արժեզրկվում է իրանական ռիալը:
Թրամփը հորդորում է իրանցիներին դուրս գալ փողոց ու պայքարել իրենց իրավունքների համար:
Ռոհանին խոստանում է ծնկի բերել ԱՄՆ-ին: Ինչ զարգացումներ են սպասվում և որքանով դրանք ազդեցություն կունենան հայ-իրանական հարաբերությունների վրա:
«Իրանը ծնկի կբերի ԱՄՆ-ին», Իրանի պետական հեռուստաալիքի եթերում խոստացել է նախագահ Հասան Ռուհանին: ԱՄՆ-Իրան լարված հարաբերություններն օր օրի ավելի գորշ երանգ են ստանում: Ռոհանին, ամերիկյան պատժամիջոցների պատճառով՝ երկրում ստեղծված լրված իրավիճակը փոքր-ինչ թուլացնելու նպատակով է թերևս նման հայտարարություն արել, կարծում է իրանագետ Գոհար Իսկանդարյան. «Հազիվ թե կարողանա ծնկի բերել ԱՄՆ—ին»:
Ռոհանին վստահեցնում է, որ Թեհրանը չի ծնկի նախագահ Թրամփի ճնշման ներքո ու կպայքարի իր անկախության, իսլամական արժեքների համար: Այս վստահեցումների ֆոնին, սակայն, այսօր արդեն ավելի է նվազել իրանական ռիալի փոխարժեքն ու զգալի բարձրացել է դոլարի արժեքը: Իրանում գործադուլ է հայտարարել աշխարհի խոշորագույն Grand Bazar շուկան։ Իրանցիները մտահոգ են ու դժգոհ:
Իրանում տեղի ունեցած ցույցերի ընթացքում քաղաքական հայտարարություններ են հնչում գործող իշխանությունների դեմ: Այս ֆոնին անմիջապես հիշում ենք Թրամփի հայտարարությունը՝ ուղղված Իրանի ժողովրդին։
Նա հորդորում էր ոտքի կանգնել ու պայքարել սեփական իրավունքները պաշտպանելու համար։ Ցանկացած անկայություն այդ երկրում կարող է անդրադարձ ունենալ նաև տարածաշրջանի մյուս երկրների վրա:
Իրանի Մեջլիսի հայազգի պատգամավոր Կարեն Խանլարյանի կարծիքով՝ լարված իրավիճակը Իրանում հայ-իրանական հարաբերությունների վրա ազդեցություն կունենա:
Իրանագետը, սակայն, հույս ունի, որ այս լարված տարածաշրջանում, ուր մի քանի երկրների շահեր են բախվում, սուր հայտարարությունները ավելի կբարդացնեն իրավիճակը, այդուհանդերձ, նրա կարծիքով, հերթը բախումների չի հասնի: