ԿարևորՀասարակություն

Շուշիի Սուրբ Ղազանչեցոց եկեղեցու մոտ գտնվող գերեզմանատունը ոչնչացվել է

Caucasus Heritage Watch կազմակերպությունը հրապարակել է արբանյակից արված լուսանկարներ, որոնք վկայում են, որ Շուշիի Սուրբ Ղազանչեցոց եկեղեցու մոտ գտնվող գերեզմանատունն ամբողջությամբ ոչնչացվել է։ Լուսանկարները հրապարակվել են X–ի էջում։

Ապրիլի 4-ի արբանյակային լուսանկարները ցույց են տալիս, որ Շուշիի Ղազանչեցոց գերեզմանատան ավերումն ավարտված է։

Սա գերեզմանոցի առաջին ավերումն է այն բանից հետո, երբ Արդարադատության միջազգային դատարանը հրամայեց Ադրբեջանին կանխել և պատժել հայկական մշակութային ժառանգության վրա հարձակումները:

Գերեզմանոցում ավերածությունները սկսվել են 2023-ի հոկտեմբերին։ Կազմակերպությունն այդ մասին հայտնել էր նոյեմբերի 27-ին:

«Այն ժամանակ դեռ ուշ չէր կանխել գերեզմանատան ոչնչացումը։ Բայց մինչև 2023 թվականի դեկտեմբեր գերեզմանատունն արդեն գրեթե ոչնչացվել էր», — ասվում է CHW-ի հայտարարության մեջ:

Back to top button