Պարենային մթերքի կարիք մարդիկ ունեն ամեն օր, որակյալ և անվտանգ պարենամթերքը յուրաքանչյուրիս առողջության գրավական է:
Եթե նախկինում պարենային մթերքի պատրաստումը եղել է մեկուսացված գործընթաց, ապա ժամանակի ընթացքում ոլորտը զարգանալով դարձավ արդյունաբերության առաջատար և ամենակարևոր ճյուղերից մեկը, իսկ պարենամթերքի տեխնոլոգի մասնագիտությունը՝ պահանջված:
Պահածոյացման և սննդախտանյութեր, հացի, հրուշակեղենի, մակարոնի, շոկոլադի արտադրության տեխնոլոգիա…
Պարենային մթերքների քանակությունը հսկայական է, դրանց արտադրության տեխնոլոգիաները՝ տարբեր և բազմազան:
Ամեն դեպքում արդյունաբերության մեջ տեխնոլոգիական գիտելիքներն անչափ կարևոր են: Արդիական, տեսական և գործնական գիտելիքների, սերնդեսերունդ փոխանցված վարպետության, փորձի, գաղտնիքների, հմտությունների, ինչպես նաև ժամանակակից սարքավորումների համատեղման արդյունքում հմուտ և բանիմաց տեխնոլոգն ապահովում է պարենամթերքի արտադրության ողջ գործընթացը:
Եվ, որ պակաս կարևոր չէ, պարենային արդյունաբերության մեծ նշանակությունը թույլ չի տա հմուտ և կարող մասնագետներին մնալ անգործ։
Զրույց Հայաստանի ազգային ագրարային համալսարանի բուսաբուծական մթերքների վերամշակման տեխնոլոգիաների ամբիոնի դասախոս, տեխնիկական գիտությունների թեկնածու, դոցենտ Նարինե Հովհաննիսյանի հետ։
