Ոչ ֆորմալ կրթությունն ապահովում է աշխատաշուկայի հետ կապը․ «Դպրություն»

Պետության կարևորագույն գործառույթներից է գիտելիքահեն հասարակության և տնտեսության ձևավորման ու շարունակական զարգացման ապահովումը: Այս ենթատեքստում շատ կարևոր է նաև կրթություն – աշխատաշուկա կապի ամրապնդումն ու զարգացումը։

«Մասուր» արվեստի տանը կրթվում և դաստիարակվում են իրենց երկրի սիրահարներ, իրենց պարտականություններն ու իրավունքները գիտակցող, պատասխանատվության խոր զգացումով և մարդկային արժանապատվության նկատմամբ հարգանքով երեխաներ։
Այստեղ աշխատում են ազգային նկարագիր ունեցող սովորութային-բարոյական բարձր արժեքների եթե չասենք վերածննդի, ապա գոնե պահպանման համար։

«Մասուր» արվեստի տան կրթական գործունեությունն են ներկայացնում համահիմնադիրները՝ գեղանկարչուհի Մարիամ Մուղդուսյանը, երաժիշտ Նաիրա Մուղդուսյանը և Տավուշի մարզի Բերդավան գյուղի մասնաճյուղի շրջանավարտ, ուսուցչուհի Մերի Ազատյանը։