«Ինժեներական քաղաք»-ը պետություն-մասնավոր գործընկերության հենքով ծրագիր է, որն իրականացվում է «Ձեռնարկությունների ինկուբատոր» հիմնադրամի, ՀՀ կառավարության, Համաշխարհային բանկի, ՀՀ բարձր տեխնոլոգիական արդյունաբերության նախարարության և մասնավոր հատվածի համագործակցությամբ և աջակցությամբ։
«Ինժեներական քաղաք»-ի կառուցման նպատակն էր՝ փորձարկել տարածաշրջանում նախադեպը չունեցող նոր մոդել և ձևավորել Հայաստանի ինժեներական կլաստեր։
Բուհերի հետ համագործակցությամբ կազմակերպվում են նաև բակալավրի և մագիստրոսի դասընթացներ։Կան ավագ դպրոցի աշակերտների համար նախատեսված կրթական ծրագրեր։ Ներդրվել է ավիատիեզերական սարքաշինություն մագիստրոսական ծրագիր։
Ինժեներական քաղաքում գործունեության հիմնական ոլորտները հետևյալն են՝
- Անվարորդ տեխնոլոգիաների առաջատար լաբորատորիա,
- 5G հետազոտական լաբորատորիա,
- Իրերի ինտերնետ (IOT) արդյունաբերական լաբորատորիա,
- Կիսահաղորդիչների տեստավորման լաբորատորիա,
- Ռադիո-հաճախականության և միկրոալիքների լաբորատորիա
- Մեքենաների լաբորատորիա (Machine Lab)
- Չափման լաբորատորիաներ (Measurement Labs)
«Դպրություն» հաղորդաշարի հյուրեն են Ինժեներական քաղաքում իրականացվող կրթական ծրագրերի ղեկավար Անդրանիկ Աղաջանյանը, Ձեռնարկությունների ինկուբատոր հիմնադրամում ծրագրի ղեկավար, Ինժեներական քաղաք ծրագրի պատասխանատու Մարինա Մինասյանը և «ԱՏԳ» բարձր տեխնոլոգիական ընկերության գլխավոր ինժեներ Սուրեն Էյրամջյանը։