Հրետակոծության պահին հասկանում ես, որ ամենադժբախտ կյանքն անգամ մահից գերադասելի է

Հարություն Հակոբյանը զորակոչվեց 2019 թվականին «Ես եմ» ծրագրով, զորացրվել է 2022-ի հունվարի 25-ին, այնպես որ 44-օր պատերազմը չշրջանցեց նաև նրան։ Ծառայության շրջանում Հարութը նաև կորցրեց մայրիկին, որը երկար ժամանակ տառապում էր քաղցկեղով։ 2019-ի ամռանը արձակուրդ էր եկել, զորամաս վերադառնալուց երեք օր անց մայրը մահացավ։

Ծանր փորձություններով անցած մեր հերոսն արդեն հասցրել է ամրագրել կյանքի իր բանաձևը՝ որևէ մեկին թույլ չտալ իրեն ասելու, որ ինչ-որ բան չի կարող անել։ Ծնվել է 1999 թվականի հոկտեմբերի 9-ին Գորիսում։ Սովորում է ԵՊՀ աստվածաբանության ֆակուլտետի երկրորդ կուրսում։ Ուսմանը զուգահեռ նաև աշխատում է։