Մաշտոցի 7ա հասցեում գտնվող «Հայ Արտ» մշակութային կենտրոնը՝ հայտնի «Կլորները», 15 տարի անց վերագործարկվում է որպես Ժամանակակից արվեստի կենտրոն։ Ի՞նչ էր իրենից ներկայացնում այս հաստատությունը նախկինում, և ի՞նչ կառուցվածքային ու բովանդակային փոփոխություններ են սպասվում կենտրոնին առաջիկայում։
«Քաղաքապետարանը բավականին դրական վերաբերմունք ունի, բայց պետական կառույց է ու իր անիվը դանդաղ է շարժվում, մենք` «ոչ պետականից» եկած մարդիկ, սովոր չենք այդ դանդաղությանը, բայց պիտի միասին աշխատենք, որպեսզի այս կառույցը վերականգնվի, վերագործարկվի, դառնա ժամանակակից ստեղծարար արդյունաբերության կենտրոն»,– ասում է «Հայ Արտ» մշակութային կենտրոնի տնօրենի ժամանակավոր պաշտոնակատար Մարինե Կարոյանը։
