Իրանի հարձակումը հետ մղելու համար Իսրայելն ավելի քան 1 միլիարդ դոլարի միջոցներ է ծախցել, գրել է Financial Times-ը՝ վկայակոչելով իսրայելցի նախկին զինվորականին։
«Նախկին իսրայելցի զինվորականը պաշտպանության ծախսերը գնահատել է ավելի քան 1 միլիարդ դոլար, չհաշված ԱՄՆ-ի, Ֆրանսիայի և Մեծ Բրիտանիայի ինքնաթիռներ ուղարկելու ծախսերը», — ասվում է հրատարակության մեջ:
Իսլամական հեղափոխության պահապանների կորպուսն ապրիլի 14-ի գիշերը հարվածել էր Իսրայելի տարածքին՝ ի պատասխան այս ամսվա սկզբին Սիրիայում Իրանի հյուպատոսությանը հասցված իսրայելական ավիահարվածների:
Հարձակմանը, ըստ տարբեր աղբյուրների, ներգրավվել են մի քանի հարյուր հրթիռներ և անօդաչու թռչող սարքեր, այդ թվում՝ «Շահեդ կամիկաձե» անօդաչու թռչող սարքեր, «Ֆաթթահ» և «Ֆաթահ-2» հիպերձայնային հրթիռներ: Իրանի պետական Press TV հեռուստաալիքը հայտնել է, որ բոլոր հիպերձայնային հրթիռները հասել են իրենց թիրախներին։
Իսրայելական բանակի տվյալներով՝ Իրանը ընդհանուր առմամբ արձակել է ավելի քան 300 զինամթերք և անօդաչու թռչող սարք, այդ թվում՝ մոտ 170 անօդաչու թռչող սարք, ավելի քան 30 թևավոր հրթիռ և ավելի քան 120 բալիստիկ հրթիռ։ Միևնույն ժամանակ Իսրայելը հայտարարում է, որ միայն «մի քանի հրթիռներ» են հասել նպատակակետերին և պատճառել են «փոքր վնաս»։
Իրանի զինված ուժերի գլխավոր շտաբի պետ Մոհամմադ Բաղերին ասել է, որ Թեհրանն ավարտել է «Ճշմարիտ խոստում» գործողությունը և չի ծրագրում այն շարունակել, սակայն եթե Իսրայելը որևէ միջոց ձեռնարկի, իրանական հաջորդ գործողությունն ավելի մեծ կլինի, քան նախորդը։
Իսրայելի նախարար Բենի Գանցն ասել է, որ երկիրը մտադիր է ստեղծել տարածաշրջանային կոալիցիա՝ ընդդեմ իրանական սպառնալիքի և համապատասխան ժամանակին և պատշաճ կերպով արձագանքել հարձակմանը։ Սպասվում է, որ Իսրայելի կառավարությունը մոտ ապագայում կորոշի հետագա գործողությունները։