Երեւի մի երկու տասնամյակ առաջ Հայաստանում շատ մեծ հեղինակություն վայելող սոցիոլոգներից մեկի եւ լրագրողների Մամուլի ազգային ակումբում փակ մի հանդիպման ժամանակ այսպիսի միտք հնչեց` ազգերը ծնվում են, մեծանում, ծերանում, մեռնում։ Այն ժամանակ ես ներքին ըմբոստություն ունեցա։ Շատ երիտասարդ էի։
Մեռնո՞ւմ են արդյոք ազգերը եւ ինչի՞ց են մեռնում։ Այս հարցը կարծես արդիական է դառնում հենց գլոբալիզացիայի դարաշրջաններում։ Այս շրջանում է, որ, կարծես, ձեւավորվում են նոր կամ վերաձեւավորվում հին ազգերի ինքնությունները։
Լուսանկարը` Վիքիպեդիայից
Սոցիոլոգ Հարություն Վերմիշյանը նշում է` որպես ազգ մենք պետք է փոխվենք։ «Ազգը ապրող, փոփոխվող է, ռեֆլեքսիվ է ժամանակին, պատմական կոնտեքստին»,- ասում է նա ու արձանագրում, որ ազգն իրեն շատ ուժեղ ապահովագրում է հիշողության, մշակութային խորը եւ շատ վաղ անցյալի հաշվին։
Ըստ Վերմիշյանի` մենք հիշում ենք հազարամյակներ առաջը որպես մեր մաս, բայց ապրում ենք այսօր։ «Սա ներդաշնակեցնելու խնդիրը ամենաօրակարգայինն է»,- ասում է գիտնականը։
Արմեն ՎԱՐԴԱՆՅԱՆ
Հայկական ինքնությունը փոփոխվող աշխարհում. թեմայի շուրջ զրուցում ենք սոցիոլոգ Հարություն Վերմիշյանի հետ։
