1990-ականների կեսերին մի զրույցի ականատեսն էի. պատմում էին, թե ինչպես Խորհրդային Միությունում հայտնի մեր «Տրանզիստոր» ձեռնարկությանը ամերիկահայ գործարարներից մեկը որոշել էր օգնել` իրեն անհրաժեշտ պատվերը տալով հայկական այս ընկերությանը։ Նախագծի վրա աշխատելուց հետո այստեղ պարզել էին, որ արտադրական հնարավորությունները թույլ չեն տալիս տվյալ չափով տրանզիստոր արտադրել (այն 2-3 մմ մեծ կլիներ) եւ նաեւ ինքնարժեքն էր բավականին բարձր։
Այսօր արդեն նույն այդ «Տրանզիստոր» ձեռնարկության տեղում գործում է Հայաստանում բարձր տեխնոլոգիաների առաջատարներից մեկը` «Սինոփսիս Արմենիան»։
Լուսանկարը` hetq.am-ից
Տեղեկատվական տեխնոլոգիաները Հայաստանի տնտեսության առաջնահերթություններից են, մենք պետք է ստեղծենք գիտելիքահեն տնտեսություն. նման հայտարարություններ շատ ենք լսել, բայց որքանով են քաղաքական հայտարարությունները համապատասխանում կյանքի իրողությունների հետ։
Լուսանկարը` Սինոփսիս Արմենիայի ֆեյսբուքյան էջից
- Ինչպիսի տեխնոլոգիական երկիր ենք մենք,
- ապագայի տնտեսություն ունենալու հնարավորությունները Հայաստանում որքանո՞վ են իրական,
- հնարավո՞ր է Հայաստանում ժամանակակից տեխնոլոգիաների ողնաշար` չիպերի արտադրություն կազմակերպել։
Արմեն ՎԱՐԴԱՆՅԱՆ
«Խոշորացույցի» տաղավարում Հայկական վիրտուալ համալսարանի հիմնադիր-նախագահ, ՀԲԸՄ Սիլիկոնյան հովտի մասնաճյուղի նախագահ, ՀՀ ԳԱԱ արտասահմանյան անդամ, «Սինոփսիս Հայաստան» ընկերության նախագահ Երվանդ Զորյանի հետ քննարկում ենք բարձր եւ տեղեկատվական տեխնոլոգիաների ապագան ու ներկա Հայաստանում։
