ԿԳՄՍ նախարարությունը հաստատել է երաժշտական և արվեստի դպրոցներում ներառականության ապահովմանն ուղղված դասընթացների կազմակերպման ծրագիրը, որն իրականացվում է առաջին անգամ։
Կրթության առանձնահատուկ պայմանների կարիք ունեցող երեխաները պետք է չմեկուսացվեն կրթական համակարգից և չզրկվեն գեղարվեստական որակյալ կրթություն ստանալու իրավունքից:
Երաժշտական և արվեստի դպրոցների ոչ բոլոր ուսուցիչներն են պատրաստ լիարժեք աշխատելու կրթության և զարգացման առանձնահատուկ պայմանների կարիք ունեցող երեխաների հետ, քանի որ չունեն համապատասխան գիտելիքներ և հմտություններ:
Հայաստանի Հանրապետությունը համընդհանուր ներառական կրթությունը հռչակում է որպես յուրաքանչյուր երեխայի կրթության իրավունքի ապահովման երաշխիք։
Ոլորտում իրականացվող քաղաքականության արդյունքում նախատեսվում է ընդլայնել կրթության առանձնահատուկ պայմանների կարիք ունեցող երեխաների որակյալ կրթություն ստանալու հնարավորությունները։
Զրույց «Երեխաների հատուկ ստեղծագործական կենտրոն»-ի տնօրեն Աննա Կարապետյանի, Երևանի Ղազարոս Սարյանի անվան արվեստի դպրոցի տնօրեն Սուսաննա Սուքիասյանի և Երևանի Չայկովսկու անվան երաժշտական միջնակարգ մասնագիտական դպրոցի տնօրեն Մարտունի Կոստանդյանի հետ։