Ժամանակներն այնպիսին են, որ հաճախ երկրի իրադարձություններն ու հրատապ խնդիրները կարող են որոշիչ դեր ունենալ մշակութային կյանքի վրա։ Արվեստի դերն այսօր միանշանակ չէ․ այն վաղուց հատել է զուտ գեղագիտորեն ընկալվելու սահմանը։ Արվեստի մերժամանակյա գործառույթը նոր մշակույթ, մտածողություն, աշխարհայացք ձևավորելն ու նոր հնարարավորություններ առաջարկելն է, այն, ինչ անում է «Արտլաբերևան» ստեղծագործական խումբը։
«Արվեստից պետք է գալ քաղաքականություն, ոչ թե քաղաքականությունից արվեստ», – ասում է «Արտլաբերևան» ստեղծագործական խմբի հիմնադիր անդամ, արվեստագետ Հովհաննես Մարգարյանը։
«Ժամանակակից, ստեղծարար արվեստը հնարավորություններ է ցույց տալիս։ Մենք առաջարկում ենք մշակութային քաղաքականություն, բայց չենք փաթաթում ոչ մեկի վզին։ Մեր խնդիրը՝ իշխող մշակութային մտածելակերպին ընդվզելն է», – ասում է արվեստագետը։
