Հայաստանում կրթության ոլորտը կարևորվում է որպես երկրի կայուն զարգացման, ինչպես նաև մարդկային կապիտալի պահպանման ու վերարտադրության նախապայմաններից մեկը: Մարդկային զարգացման ապահովման քաղաքականության հիմնական գերակայությունը կրթության առաջանցիկ զարգացման ապահովումն է կրթության որակի, արդյունավետության և մատչելիության բարձրացման միջոցով:
Այսօր կխոսենք բարձրագույն կրթության համակարգի առկա վիճակի մասին, կքննարկենք բուհերի խնդիրները, մասնավորապես՝ բուհերի կառավարման արդյունավետությանն ու կրթական ծրագրերի արդիականությանն առընչվող հարցեր: Քննարկում և պարզաբանում են ոլորտի պատասխանատուները՝ ԿԳՄՍ նախարարի խորհրդական Սամվել Կարաբեկյանը, կրթության փորձագետ Սերոբ Խաչատրյանը, ԵՊՀ դասախոս, դոցենտ Նարինե Դիլբարյանը:
