Վերլուծական

Ի՞նչ ցույց տվեցին այս ընտրությունները և ի՞նչ կարող են փոխել վիրահայության կյանքում

Նվարդ Դավթյան

«Ռադիոլուր»

Երեկ Վրաստանում տեղի ունեցած ընտրությունները, առանձին խախտումներով հանդերձ, նորմալ ու մրցակցային են գնահատել Վրաստանի հարցերով փորձագետներ Ջոնի Մելիքյանն ու Ալիկ Էրոյանցը: Նրանք ու քաղաքագետ Հրանտ Մելիք-Շահնազարյանն այս ընտրությունները հետաքրքիր են համարել սահմանադրական փոփոխությունների համատեքստում, փոփոխություններ, որոնք 2013-ի նախագահական ընտրություններից հետո մեծացնում են խորհրդարանի ընտրած վարչապետի լիազորություններն ու կրճատում նախագահի լծակները:

Ի՞նչ ցույց տվեցին այս ընտրությունները և ի՞նչ կարող են փոխել վիրահայության կյանքում:

Երեկ Վրաստանում կայացած խորհրդարանական ընտրությունները  վերջին 8 տարիների ընթացքում ամենամրցակցայինն ու հետաքրքիրն էին, բայց ոչ դեմոկրատականը, կարծում է Վրաստանի հարցերով փորձագետ Ջոնի Մելիքյանը: Նրա խոսքով` ընտրությունների ընթացքում  ընտրակաշառք է բաժանվել, մարդկանց մեքենաներով բերել են քվեարկության, առանձին տեղամասերում քվեաթերթիկներ են պակասել: Խախտումներով ուղեկցված ընտրությունների նախնական արդյունքներն արձանագրում են ընդդիմության հաղթանակը` ի դեմս «Վրացական երազանք» կոալիցիայի, իսկ սա իր հերթին արձանագրում ժողովրդի դժգոհությունը` իշխանություններից:   Այս ընտրությունները ցույց տվեցին, որ դրսի ուժերի ազդեցությունը  Վրաստանում  շատ մեծ է: «Այդ ուժերը Սահակաշվիլիին ցույց տվեցին, որ կան սահմաններ, որոնք չպետք է անցնի ոչ մի իշխանություն»,-ասում է փորձագետը: Վրաստանի արտգործնախարարության մակարդակով երեկ երեկոյան հնչած հայտարարությունը ռուսական սպասվող ագրեսայի մասին փորձագետի գնահատմամբ ոչ այլ ինչ է, քան ժողովրդին դրսի վտանգի շուրջ համախմբելու և դրա դեմ միասնաբար պայքարելու փորձ: Բայց Ջոնի Մելիքյանը կարծում է, որ ընդդիմությունը մինչև վերջ պայքարելու է:

Ընտրություններին մասնակցող բոլոր քաղաքական ուժերը միակարծիք են ազգային փոքրամասնությունների հարցում, կողմնակից են նրանց ինտեգրացիային, լեզվի ճանաչմանը, սոցիալ-տնտեսական վիճակի բարելավմանը, բայց հայերին առնչվող ոչ մի կոնկրետ  ծրագիր, ասում է փորձագետը:  Լուրջ փոփոխություններ, ըստ նրա, պետք չէ ակնկալել նաև  հայ-վրացական հարաբերություններում, թերևս չնչին շտկումներ: Հայ-վրացական հարաբերություններում փոփոխություններ պետք է ակնկալել, իր հերթին ասում է քաղաքագետ Հրանտ Մելիք-Շահնազարյանը, բայց դա կապված չէ երկու երկրների քաղաքական էլիտաների հարաբերություններից, այլ այն դերակատարումից, որ  Վրաստանը կարող է ստանձնել իշխանափոխությունից հետո: Անհայտ է, որ վրաց-ռուսական նոր հարաբերությունները կարող են ազդել հայ-վրացականի վրա: Ասել, բացասաբար, չի կարելի: Ներկայում էլ բավականին բարդ փուլում գտնվող հայ-վրացական հարաբերությունների ավելի վատթարացում  չի լինի, կանխատեսումները շարունակում է Մելիք-Շահնազարյանը: Հակառակը` նոր մարդիկ նոր հնարավորություններ: Փոխարենը բացասական ազդեցությունը չի բացառում ջավախահայության կյանքում:

Ջավախքի ձայների պակերը չունի, բայց հիմնվելով նախնական տեղեկությունների վրա, Վրաստանի հարցերով փորձագետ Ալիկ Էրոյանցն ասում է` ջավախահայությունն այս անգամ էլ հիմնականում քվեարկել է իշխող կուսակցության օգտին: Ի դեպ,  Հրանտ Մելիք-Շահնազարյանի դիտարկմամբ` վերջին շրջանում փոխվել է ջավախահայության մոտեցումը երկրում անցկացվող ընտրությունների նկատմամբ: Եթե մինչ այս դրանց չէին մասնկացում, ընտրությունները համարում էին Վրաստանի գործը` հայացքը հառելով Հայաստանին ու հայությանը,  ապա այսօր կարելի է արձանագրել`  Ջավախքը ավելի շատ է ինտեգրվել վրացական պետությանը:

Ցուցադրել ավելի

Թողնել պատասխան

Back to top button