Երեւանի ավագանու արտահերթ ընտրությունների արդյունքների վերջնական ամփոփումը կլինի սեպտեմբերի 30-ին՝ ընտրություններից հետո յոթերորդ օրը, իսկ 10-րդ օրը տեղի կունենա Երևանի ավագանու առաջին նիստը: Այդ օրն էլ տեղի կունենա քաղաքապետի պաշտոնակալման արարողությունը:
Երևանի նոր ձևավորված ավագանին առաջին նիստը կգումարի հոկտեմբերի 10-ին: Արդեն հստակ է ,որ Երևանի ավագանիում ներկայացված են լինելու երեք ուժեր՝«Իմ քայլը» դաշինքը, «Լույս» դաշինքը և ԲՀԿ կուսակացությունը:
Դեռ երեկ տեղեկատվություն հրապարկեցին, որ Երևանի ավագանու ընտրությունների նախնական արդյունքներով 65 մանդատներից 5 -ը կստանա «Իմ քայլը» դաշինքը, 55-ը 6-ը՝ ԲՀԿ-ն, իսկ «Լույս» դաշինքը կունենա ընդամենը 5 մանդատ: Սակայն պարզվեց, որ հաշվարկները այդքան էլ ճիշտ չի կատարվել և այսօր ավագանու անդամների թվաքանակը արդեն փոխվել է: Ավագանիում հայտնվելու համար կուսակցությունները պետք է հաղթահարեն 6 տոկոսի շեմը, իսկ դաշինքները 8 տոկոսի: Սակայն օրենքի պահանջ է, որ Երևանի ավագանիում պետք է լինեն նվազագույնը երեք ուժ: Այս դեպքում մանդատների բաշխմանը մասնակցում են առավելագույն կողմ քվեարկված քվեաթերթիկներ ստացած 3 կուսակցությունները և կուսակցությունների դաշինքները»: Երևանի նախկին ավագանու անդամ, «Լույս» դաշինքից ընտրված ավագանի Դավիթ Խաժակյանը «Ռադիոլուրի» հետ զրույցում նշեց ,որ «Լույս»-ը ունենալու է երեք մանդատ:
ԲՀԿ –ն ավագանիում ունենալու է ոչ թե 6 ,այլ 5 մանդատ: Պարզ դարձավ, որ Նաիրա Զոհրաբյանը, ով գլխավորում էր ավագանու ցուցակը ,շարունակելու է պատգամավորական գործունեությունը:
ԿԸՀ –ն վերջնական արդյունքները կհրապարակի սեպտեմբերի 30 –ին. Ըստ այդմ էլ պարզ կլինի, թե որ կուսակցությունը, որքան մանդատ կունենա ավագանիում: «Իմ քայլը» դաշինքը ավագանիում ներկայացված է լինելու: ՔՊ Դաշինքի մամուլի պատասխանատու Վահան Կոստանյանը հայտարարել էր, որ այս պահին ցանկը փոփոխությունների չի ենթարկվել, չնայած՝ հնարավոր է ցուցակից որոշ անձինք անցնեն ադմինիստրատիվ աշխատանքի:
Նկատենք, որ այս ընտրությոններին կանանց ներգրավվածությունը բարձր ցուցանիշ էր կազմում. «Իմ քայլը» դաշինքի ցուցակում ընդգրկված լրագրող Գայանե Աբրահամյանը ասում է,որ բնակչության 50 տոկոսից ավելի են կանայք ու անհնար է նրանց կարծիքը հաշվի չառնել:
Երևանի նորընտիր ավագանիում` ինչպես նախկինում, ներկայացված են լինելու Հանրային Ռադիոյի աշխատակիցներ :
