Տեղի ունեցավ «Ազգային կինո՝ համամարդկային ժառանգություն. վերանայում, պահպանություն, հանրայնացում» թեմայով միջազգային եռօրյա գիտաժողովը՝ նվիրված ֆրանսահայ կինոռեժիսոր Անրի Վերնոյի 100-ամյակին։
«Սա առաջին նախաձեռնությունն էր, որ ուներ գիտական բնույթ։ Իմ առաջին նպատակներից մեկը կինոգիտության ոլորտը խթանելու ձևաչափեր գտնելն էր։ Կինոժառանգության շուրջ չկա գիտական նոր միտք, գիտելիք, հայեցակարգերն արտադրում են գիտնականներն ու հետազոտողները, նրանք կարող են ի հայտ բերել շերտեր որոնք զուգահեռներ ունեն մերօրյա իրականության հետ», –ասում է Ազգային կինոկենտրոնի կինոժառանգության բաժնի ղեկավար Վիգեն Գալստյանը։
