Տնտեսական զարգացման այնպիսի մոդելի ներդնում, որի արդյունքում մարդկանց կյանքն իսկապես կփոխվի. խորհրդարանական ամբիոնից սրա մասին էր հայտարարել դեռևս վարչապետի թեկնածու Նիկոլ Փաշինյանը:
Տնտեսագետ Վահագն Խաչատրյանը «Ռադիոլուրի» հետ զրույցում ընդգծել է՝ բիզնեսը ստիպված պետք է նոր խաղի կանոններով աշխատի:
Տնտեսագետը կարծում է, որ նախկին կառավարությունից կան նախարարներ, ովքեր կարող են շարունակել աշխատել նոր կառավարության կազմում:
Միաժամանակ նշել է՝ նոր կառավարությունում նոր դեմքեր են պետք, ովքեր իրենց գաղափարներով կհաստատեն, որ փոփոխություններ անելու համար են եկել:
Շրջադարձային փոփոխություններ՝ անցումային կառավարությունում, խորհրդարանական ամբիոնից հայտարարեց Նիկոլ Փաշինյանը: Նաև խոստացավ՝ Հայաստանում արտոնյալները չեն լինելու, ավելին.
«Արհեստական տնտեսական մենաշնորհներ չեն լինելու, յուրաքանչյուր ոք կարողանալու է զբաղվել իր նախընտրած բիզնսով և վերջ: Երկրից արմատախիլ է արվելու կոռուպցիան և վերջ: Հաստատվելու է օրենքի, իրավունքի գերակայություն»:
Փաշինյանը նաև խոստացավ՝ գործելու են առանց վենդետաների ու սեփականության վերաբաշխման: Տնտեսական հեղափոխություն՝ սա է սպասվում Հայաստանի տնտեսությանն առաջիկայում՝ ասաց։ Նիկոլ Փաշինյանը Սփյուռքի հայրենակիցներին կոչ արեց վերադառնալ ու ներդրումներ անել, աշխատատեղեր ստեղծել: ՀԱԱ նախագահ Վազգեն Սաֆարյանը «Ռադիոլուրի» հետ զրույցում ասում է, որ տնտեսական քաղաքականությունը արմատապես չփոխելու դեպքում նորից նույնն է լինելու: Գործնականում անհնար է, որ յուրաքանչյուրն իր բինզնեսն ունենա՝ ասում է Սաֆարյանը: Նա խոշոր արդյունաբերական համալիրների ստեղծման անհրաժեշտություն է տեսնում
ԳՀՄՆ Գագիկ Մակարյանը նշում է՝ ծրագրերը պետք է արագ իրականացվեն , հակառակ դեպքում հիասթափությունն է մեծ լինելու: նա նաև առաջարկներ է ներկայացնում.
Բիզնեսի ազատագրում` կոռուպցիոն համակարգի ունեցած պարտավորություններից:
Փաշինյանը խոստացավ՝ տնտեսական զարգացման այնպիսի մոդել ներդնել, որի արդյունքում մարդկանց կյանքն իսկապես կփոխվի:
Նիկոլ Փաշինյանը հայտարարեց հեղափոխական տեմպերով բարձր տեխնոլոգիաների, գյուղատնտեսության ու մյուս ոլորտների զարգացման մասին:
Տնտեսագետ Վահագն Խաչատրյանը «Ռադիոլուրի» հետ զրույցում ընդգծում է՝ հեղափոխական քայլն արված է. դա մարդկանց ու հատկապես բիզնեսի մոտ ի հայտ եկած սպասումներն են:
Պատրա՞ստ է արդյոք օլիգարխիկ համակարգը նոր խաղի կանոններով աշխատելուն՝ հարցնում եմ Վահագն Խաչատրյանին:
«Իրենք ստիպված պետք է այդ խաղի կանոններով աշխատեն, որովհետև իրենք այդպիսին չեն եղել, իրենց համակարգն է այդպիսին դարձրել: Ես ելնում եմ այն սկզբունքից, որ բոլորս էլ նորմալ մարդիկ ենք, բոլորիս մտածողությունն էլ նորմալ է, առավել ևս՝ բիզնեսով զբաղվողների»:
Տնտեսագետը կարծում է, որ նախկին կառավարությունից կան նախարարներ, ովքեր կարող են շարունակել աշխատել նոր կառավարության կազմում: Միաժամանակ նկատում է՝ նոր կառավարությունում նոր դեմքեր են պետք, ովքեր իրենց գաղափարներով կհաստատեն, որ փոփոխություններ անելու համար են եկել:
