Պատանեկան երազանք, կոչում կամ պարզապես կյանքի նպատակ. վեհ ճանապարհ կերտող մասնագիտություն, որտեղ մեծ նվիրումը, անմնացորդ ծառայությունը և ռազմական ոգին պարտադիր են:
Ռազմական բժշկի մարդասիրական մասնագիտություն. կոչում, որ համատեղելով զինվորական ծառայությունը և բժշկի աշխատանքը, պահպանում է իր կարևոր առաքելությունը՝ անձնվիրաբար ծառայել հայրենիքին՝ կատարելով իր առջև դրված ինչպես բժշկական, այնպես էլ ռազմական խնդիրները:
Միաժամանակ քաջ ու գթասիրտ, երկաթյա նյարդեր ու անսահման հոգատարություն, հերոսություն ու նվիրում. և՛ զինվորականի, և՛ բժշկի հատկանիշներով օժտված ռազմական բժիշկները խաղաղ և պատերազմական իրավիճակներում միշտ կանգնած են իրենց երկրի և ժողովրդի կողքին՝ հաճախ ծառայություն իրականացնելով ամենաթեժ կետերում ու վտանգելով սեփական կյանքը: Անհատի բարձր նկարագիր, որի արժեքն ու նշանակությունն անհնար է սահմանել:
Զրույց Մխիթար Հերացու անվան Երևանի պետական բժշկական համալսարանի բժշկական ծառայության կազմակերպման և մարտավարության ամբիոնի պետ Գոռ Վարդանյանի հետ: