ԵՊՀ-ի հոգեբանության և փիլիսոփայության ֆակուլտետի շրջանավարտ Անի Մարգարյանը կառավարման հոգեբանություն մագիստրոսական ծրագիրն ավարտելուց հետո ուսումը շարունակել է Հայաստանի Ամերիկյան համալսարանում` ստանալով բիզնեսի կառավարման մագիստրոսի աստիճան:
Աշխատել է մի շարք կազմակերպություններում որպես մարդկային ռեսուրսների կառավարման մասնագետ և բաժնի ղեկավար: 2019-ից ղեկավարում է մարդկային ռեսուրսների կառավարման խորհրդատվական սեփական ընկերությունը:
Իր աշխատանքի հիմնական ուղղություններից է համարում թիմային դրական միջավայրի ձեւավորումը` հիմնված վստահության վրա, և անձնակազմի միջև բաց հաղորդակցությունը:
