Պատմական գիտությունների թեկնածու, դոցենտ Կարեն Փահլևանյանն ավարտել է Խ. Աբովյանի անվան հայկական պետական մանկավարժական համալսարանի պատմության և իրավագիտության բաժինը։
Աշխատանքային ուղին սկսել է Մասիսի աշխատանքի և զբաղվածության տարածքային կենտրոնից՝ որպես առաջատար մասնագետ։
Աշխատել է մի շարք պետական կառույցներում, ունի 3 հրատարակված մենագրություն, համահեղինակությամբ հրատարակված 9 աշխատություն և 34 հրատարակված գիտական հոդված։
2019թ․-ից «Սարդարապատի հերոսամարտի հուշահամալիր, հայոց ազգագրության և ազատագրական պայքարի պատմության ազգային թանգարան» ՊՈԱԿ-ի տնօրենն է։