Յուրաքանչյուր հանդիպում Մուշեղ Գալշոյանի հերոսների հետ հանդիպում է ժողովրդի անցյալին, որ կենդանանում ու մարմին է առնում հուշերում՝ կիսատ մնացած միտք ու երազից, անափ կարոտից: Մուշեղ Գալշոյանը դարձավ պատմական հայրենիքն իրենց հոգու մեջ պահած գաղթականների սերնդի կյանքի տարեգիրը, գրեց արյան կանչով, գրեց, որպեսզի փրկի կորուսյալ աշխարհի վերջին հիշատակները: Հաղորդման ընթացքում մտովի կտեղափոխվեք Մուշեղ Գալշոյանի գրական աշխարհ, հուզմունքով կունկնդրեք արձակագրի դստեր՝ Մուշեղ Գալշոյանի թանգարան-հուշահամալիրի տնօրեն Սիրանույշ Գալշոյանի հետաքրքիր պատմություններն ու հիշողությունները:
