ՄԱԿ-ի կլիմայի փոփոխության մասին շրջանակային կոնվենցիայի կողմերի 27-րդ համաժողովի արդյուքները․ ի՞նչ է տվել Հայաստանի մասնակցությունը։
Զարգացած երկրների խոստումը՝ զարգացող երկրներին վերաբերում է նաև Հայաստանին։ Տարեկան շուրջ 100 մլդ ԱՄՆ դոլար կհավաքագրվեն «Կանաչ» ֆոնդերին, որոնք էլ կբաշխվեն զարգացող երկրներին։
Հայաստանի Հանրապետությունը կլիմայական օրակարգին անդամակցում է վաղուց, բայց 2015 թվականին Փարիզյան համաձայնագրով ամրագրվեցին որոշ պարտավորություններ, որոնք ստանձնել է նաև Հայաստանը։
Փարիզյան համաձայնագրով նաև ամրագրված են նրան միացած երկրներին տրամադրվելիք աջակցությունները, որը հնարավորություն է ստեղծում առանցքային ոլորտներում կլիմայական խնդիրներ վերհանել և ֆինանսավորվել դրանց ծրագրային լուծումներ տալու համար:
Այսպես, օրինակ՝ Հայաստանը ստանձնել է պարտավորություն մինչև 2030 թվականը կրճատել մթնոլորտ ածխաթթու գազի արտանետումները, իսկ մինչև 2050 թվականը հասցնել 0-ի:
Խնդիրների լուծման համար զարգած երկրները խոստացել էին 100 մլդ ԱՄՆ դոլար փոխանցել զարգացող երկրներին։ Անցել է 7 տարի, սակայն զարգացած երկրներն իրենց խոստումը չեն իրականացրել և այսօրվա դրությամբ հավաքագրվում է մինչև 80 մլդ դոլար գումար։
Այս ամենի ֆոնին զարգացած երկրները փորձում են բացատրել, թե ինչու չեն կարողանում ավելի շատ գումար տրամադրել, իսկ զարգացող երկրները շարունակում են պահանջներ ներկայացնել։
