Սևանա լճում սիգի պաշարները սպառնալիքի տակ են: Այս մասին ԱԺ մշտական հանձնաժողովների համատեղ նիստում 2019-ի պետբյուջեի կատարողականի մասին զեկույցի քննարկման ժամանակ ասել է «Իմ քայլը» խմբակցության պատգամավոր Վարազդատ Կարապետյանը:
Նրա խոսքով` Սևանում շատ մանրաձկներ են որսում, որը սպառնալիքի տակ է դրել սիգի պաշարները:
«Պատճառներից մեկն այն է, որ Հայաստան է ներմուծվում փոքր տրամագծով ձկնորսական ցանցեր»,-ասել է Կարապետյանը:
Գեղարքունիքի մարզպետ Գնել Սանոսյանն էլ լրագրողների հետ զրույցում անդրադարձել է Սևանա լճի «ծաղկման» և սիգի անկառավարելի որսի խնդրին: