Փետրվարի 28-ին տեղի է ունեցել Վայք համայնքի ավագանու նիստը, որի ընթացքում քննարկվել են Ազատեկի բազմամետաղ հանքավայրի շահագործման վերաբերյալ հարցեր։ Սակայն նիստից երկու օր անց հրապարակվում է որոշում՝ համաձայն որի ավագանին տալիս է հանքի շահագործման նախնական թույլտվություն։ Այս որոշումն անօրինական են համարում «Վայքը հանք չի դառնա» նախաձեռնության անդամները, իսկ ավագանու անդամներից մեկն էլ պնդում է, որ իր անունից քվեարկվել է, սակայն ինքն առհասարակ չի մասնակցել քվեարկությանը։
