Յայտնի են դէպի Եվրատեսիլ 2020 նախագիծի մասնակիցները: Ամիսներ տևած յայտերու արձանագրութեան ընթացքին Հանրային հեռուստատեսութիւնը ստացած էր մասնակցութեան 53 յայտ , այդ յայտերէն ընտրուած է 12 լաւագոյն մասնակիցները։
Ֆրանսայէն ժամանած մեր հիւրը Ակոբ այդ 12 մասնակիցներէն մէկն է, որ իր երգով կը ներկայացնէ Հայաստանը եթէ հասնի յաղթանակի։ Եզրափակիչ փուլը տեղի կ՛ունենայ Փետրուար 15-ին ժամը 22,00-ին Առաջին ալիքի ուղիղ եթերով։
Մինչ մենք կը քննարկենք թէ ո՞վ կ՛ըլլայ այս տարուան մեր ներկայացուցիչը , Հայաստան հաստատեց ազգային ընտրութիւն կայացնելու հանգամանքը։ Փաստօրէն Եվրատեսիլ 2020-ի մեր մասնակիցը կ՛ընտրուի «Դէպի Եվրատեսիլ»-ի միջոցով։
Ակոբ կը ներկայացնէ «Butterflies» թիթեռներ երգը,որ դրական երգ մըն է, որուն համար հպարտ է Ակոբ այդ երգը կատարելով, սիրոյ երգ Է երաժշտութիւնը Առնի Ռոք և Այգ Ցոլարի իսկ բառերու հեղինակը Ծովինար Մելքումեանն է։
Մեր ֆրանսահայ մասնակիցը մեծ յոյսեր ունի որ կը յաղթէ , քանի որ երգը շատ լաւ է և կատարման զուգընթաց մեծ շոու կ՛ընկերակցի․– «շքեղ բեմն ու շլացուցիչ լոյսերը մարդկանց երազելու խորհուրդ կու տան»,–կ՛ըսէ Ակոբ։
Ան 4 անգամ Երևան եկած է Վանուշ Խանամիրեանի խումբին հետ պարախումբով։
Ակոբ Ազիլազեան ծնած է Մարսէյլ, Ֆրանսա ծնողները բնիկ սվազէն Պոլիս անցած են, ետքը գաղթած են Ֆրանսա , Ակոբ այժմ կը բնակի Փարիզ և կը զբաղի երաժշտութեամբ։Ակոբ քիչ հայերէն գիտէ, ան հայերէնը սորված է համալսարանին մէջ ու կիսով երաժիշտ է կիսով մարմնամարզութեան փորձագէտ։
Ան հպարտ է որ հայ է և կը խոստանայ որ շուտով լաւ հայերէն կը խօսի։
