- Հայտնի է 2020թ-ին ՀՀ բնապահպանության և ընդերքի տեսչական մարմնի կողմից ստուգվելիք տնտեսվարող սուբյեկտների ցանկը։ Մասնավորապես, հանքարդյունաբերական ընկերություններից ստուգումներ կիրականացվեն «Թեղուտ», «Ագարակի պղնձամոլիբդենային կոմբինատ», «Ախթալայի լեռնահարստացման կոմբինատ» ՓԲԸ-ներում, «Պոլիմետալ Արմենիա», «Մեղրաձոր գոլդ», «Լեռ-Էքս» ՍՊԸ-ներում: Ստուգումներ են նախատեսված նաև «Սևանի իշխան» ՓԲԸ-ում, 10-ից ավելի փոքր ՀԷԿ-երում և այլ տնտեսվարող սուբյեկտներում:
- Իրանական TehranTimes-ը հրապարակել է հոդված՝ «Հայաստանը պետք է ավելի պատասխանատու լինի Արաքս գետի աղտոտման համար» վերնագրով: Ըստ հոդվածի՝ իրանական կողմի անցկացրած մոնիտորինգի արդյունքները ցույց են տվել, որ Արաքս գետում հայտնաբերված ալյումինի, պղնձի, երկաթի և մկնդեղի պարունակությունները 10 անգամ գերազանցել են թույլատրելի նորման:
