Արմատներով Վայոց ձորից Աննան երազում էր դառնալ պարուհի, սակայն դեռ մանկուց տեսնելով դերձակ մայրիկի աշխատանքը՝ սիրել է կարուձևը:
Մաշտոցի անվան համալսարանի հագուստի մոդելավորման բաժնում սովորելու տարիներին սկսել է համագործակցել Տերյան մշակութային կենտրոնի հետ, հետագայում մագիստրոսական ծրագրում ուսումնասիրել հայկական տարազը:
Համավարակով պայմանավորված դադարի ընթացքում նա որոշել է հիմնել սեփական «Շամշիկ» նորաձևության տունը, որը առաջարկում է հագուստ` կարված ազգային ավանդույթներով:
