Սեփական հաշվարկով ծնվածները․ Հայաստանում անհաս նորածինների ապրելու շանսերը մեծացել են

Մի քանի տարի առաջ նրանց ապրելը բացառված էր։ Հիմա նրանք ապրում են։ Առողջապահության նախարարության մի շարք նոր ծրագրերը եւ նեոնատալ ծառայությունների որակի բարելավումը փոխել են անհաս ծնվածների ապրելիության պատկերը։ Մի քանի հարյուր գրամ կշռող երեխաներն, իհարկե, դեռ գուցե ամիսներ սպասեն, մինչ մայրիկն իրենց կգրկի։ Առայժմ նրանք բժիշկ-բուժքույրերի խնամքի տակ են՝ կատարելով կարեւորագույն առաջադրանք՝ սովորել ինքնուրույն շնչել եւ ուտել ու քաշ հավաքել։