ԿարևորՀասարակություն

Մեր ձայնը նաեւ մեր զէնքն է․ Սեւանան Փարիզէն Երեւան 

Փարիզէն Երեւան տեղափոխուած Սեւանա Չագրեան, ոգեւորուելով հայկական ազգագրական եւ ժողովրդական երաժշտութենէն, Հայաստանի մէջ նոր ոճ ձեւաւորած է։

Սեւանա Երեւանի մէջ երաժիշտ, երգահան Գոռ Թադէոսեանի հետ հիմնած է  «Ջինջ» խումբը,  որը սոյն թուականի Մարտ 31-ին համերգով հանդէս պիտի գայ հանրութեան նորարար ոճով հայերէն, անգլերէն եւ ֆրասերէն լեզուներով։ 

«Ջինջ» կոչեցինք, «Որովհետեւ այդ երաժշտութեան միջոցով է, որ մենք մեզի կը մաքրէինք այդ շատ դժուար պահերէն»։ Սեւանա նկատի ունէր Արցախեան 44-օրեայ պատերազմը։

 «Մեր զէնքը մեր ձայնն է, մեր արուեստը։ Արուեստն է, որ յոյս կու տայ», կ՛ըսէ Սեւանա, երբ կը հարցնեմ ՝ երգելով այցերու մասին հիւնանդանոցները,  հայ զինուորներուն սենեակ առ սենեակ` Արցախի պատերազմէն յետոյ։

Սեւանա ծնած է Փարիզ լիբանանահայ հօրմէն եւ պարսկահայ մօրմէն։ Ուսանած է Սորպոնի համալասարանը եւ որպէս երաժշտագէտ, մշակութաբան՝ ստացած է մագիստրոսական կոչումը։ Ան առաջին անգամ ժամանած է հայրենիք փառատօնի մը առիթով։ Գալով Հայաստան` սիրած ու որոշած է մնալ Հայաստան։ Ան իր մասնագիտական ծիրէն ներս  նախ հիմնադրած է  «Ծափ-ծափիկ» մանկական կրթական ծրագիրը, որը մանկապարտէզներու ուղղուած երաժշտական ուղեցոյց մըն է Հայաստանի եւ սփիւռքի դպրոցներուն համար։

Սեւանա  իր մեծ դերը ունի նաեւ «Երդիք» նախագիծի յղացման եւ պատրաստութեան մէջ արեւմտահայերէնի ուսուցման համար, որը հովանաւորուած է  Գալուստ Կիւլպէնկեան հիմնարկութեան կողմէ։ «Երդիք»-ի մէջ Սեւանան եւ Վահան Քերոփեանը ամէն շաբաթ կը ստեղծագործեն յատուկ տեսերիզներ տարբեր տարիքի երախաներուն համար։

Երդիք ծրագիրը կը բաղկանայ  2 մասերէ ՝ «Ակուլ տուկուլ»-ը 2-7 տարեկաններու եւ «Ալնիս բալնիս»-ը 7-էն բարձր տարիքի համար։ Խաղիկներով, պատմութիւններով, երգերով կը խօսին տարբեր նիւթերու մասին։ Youtube ալիքի վրայ կրնաք գտնել հայատառ կամ նաեւ Yertik.com հասցէով։

Սեւանա  շրջանաւարտ է՝ Արեւմտահայերէնի դասախօս, լեզուաբան Անի Կարմիրեանի Փարիզի մէջ հիմնադրած «Մկնիկ» դպրոց-աշխատանոցէն։

2017-էն  մասնակցած է նաեւ «Զարմանազան» ստեղծարար ճամբարին, որը փոքրիկ աշխարհ մըն է, Ալպեան լեռներուն վրայ,  աշխարհի չորս կողմերէն եկող հայութեան արեւմտահայերէնով ստեղծագործելու, ինչպէս կը պատմէ ինքը։

Ողջունելի է Սեւանայի ներկայութիւնը հայրենիքի մէջ։                           

Back to top button