ԿարևորՀասարակություն
Ախուրյանը կունենա ճանապարհների սպասարկումն իրականացնող տեխնիկական միջոցների կայանատեղի
Ախուրյան համայնքում կոմունալ ծառայությունների և ճանապարհների սպասարկումն իրականացնող տեխնիկական միջոցների կայանատեղի և սպասարկման կենտրոն ունենալու համար Ախուրյան միավորված համայնքն օգտվել է տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրից և պետություն-համայնք համագործակցության արդյունքում ընթացքի մեջ են տեխնիկական միջոցների կայանման, սպասարկման կենտրոնի շինարարության աշխատանքները։
Արդյունքում կկառուցվի ընդհանուրը՝ 1715 քառակուսի մետր մակերեսով երեք փակ և հինգ կիսաբաց կայանատեղի, հանգստի սենյակ, պահակատուն։ Կառույցը կունենա նաև բարեկարգ բակային մաս։ Ծրագրի ընդհանուր արժեքը 66 մլն 595 հազար դրամ է, գումարի 45 տոկոսը կհատկացնի պետությունը, 55 տոկոսը՝ համայնքը։