Ավելի շատ գիտությո՞ւն, թե՞ արվեստ է գեղարվեստական արժեք ներկայացնող խիստ վնասված նկարին, քանդակին կամ կիրառական արվեստի նմուշին նոր կյանք տալը։ Այս հարցին է պատասխանում Հայաստանի պատկերասրահի առաջին հարկում բացված ցուցահանդեսը։
Դուք կարող եք տեսնել վնասված անգամ պատռված նկարը նախկինում և վերականգնված վիճակում։ Ավելին` այցելուն կարող է տեղում տեսնել, թե ինչպես են աշխատում վերականգնող- վարպետները, ինչպես են օգտվում գիտության նորագույն սարքերից։ Արդեն վերականգնված և բուժված են Կոջոյանի, Այվազովսկու, Սարյանի հիանալի կտավները։