ԿարևորՌադիոլուր

Արեւմտահայերէն լուրեր Յունիս 10, 2021

Յունիս 20-ին արտակարգ խորհրդարանական ընտրութիւններուն Հայաստանի քաղաքացիները կրնան քուէարկել միայն ֆիզիքապէս ներկայ ըլլալով Հայաստանի մէջ: Հայաստանի Հանրապետութեան օրէնսդրութեամբ սահմանուած կարգով չի նախատեսուիր արտերկրի մէջ ընտրական տեղամասեր բանալ եւ քուէարկութիւն կատարել: Հայաստանի Սահմանադրական օրէնքով` ընտրութիւնները կը կայանան միայն Հայաստանի Հանրապետութեան տարածքին կազմուած տեղամասային կենտրոններուն մէջ:

Սփորթի մեկնաբան Նոպէլ Առուստամեան հաւատարմագրուեցաւ Ֆութպոլի Եվրոպայի առաջնութեան: Ռուսաստանի Արտաքին գործոց նախարարության պաշտօնական ներկայացուցիչ Մարիա Զախարովան յայտնեց լուրը, որ յաջողած է ռուսական «Матч ТВ» հեռուստաալիքի լրագրող եւ մեկնաբան Նոպէլ Առուստամեանին հաւատարմագրել ֆութպոլի Եվրոպայի յառաջիկայ առաջնութեան ։ Եվրոպայի առաջնութիւնը կը կայանայ Յունիս 11-էն Յուլիս 11-ը Եվրոպական 11 քաղաքներու մէջ։ «Այս դէպքը ցույց կու տայ , որ Ատրպէյճանի իշխանութիւնները զերոյական հանդուրժողականութիւն ունին ամբողջ աշխարհի հայութեան հանդէպ». դիմատետրի էջին գրած է սփորթի մեկնաբանը ՝ Առուստամեան եւ շնորհակալութիւն յայտնած աջակիցներուն։

Ֆրանսայի նախագահ Էմանուէլ Մաքրոն, չնայած ապտակի հետ կապուած միջադէպին, որոշած է չչեղարկել երկրի շրջաններով ուղեւորութիւնը, Մաքրոն «մտադիր չԷ հրաժարիլ երկրի բնակիչներուն հետ անմիջական շփումէն»։ Կառավարութեան ներկայացուցիչը նշած է, որ միջադէպէն յետոյ նախագահի թիկնազօրի կազմին մէջ փոփոխութիւններ չեն եղած, սակայն ընդգծած է, որ ասկէ ետք անհրաժետ է «աւելի զգօն ըլլալ»։ Միջադէպի հետեւանքով բերման ենթարկուած է երկու անձ:

Ցուցադրել ավելի
Back to top button