Գեղանկարիչ, քանդակագործ Արմեն Խոջոյանի աշխատանքները իրականության մեջ են, և՛ միևնույն ժամանակ՝ չափազանց անիրական: Գեղանկար, գրաֆիկա, պղնձե փորագրություն, կոլաժ։
Արվեստագետն աշխատում է տարբեր նյութերով` հատկապես կոլաժները ստեղծելիս, օգտագործում է կաշվե, փայտե, երկաթյա, պղնձե իրեր, ապակի, թանկարժեք ու կիսաթանկարժեք քարեր։
Գունավառ և հարուստ երևակայությամբ ստեղծված աշխատանքները, որոնք կարծես ժամանակից և տարածությունից դուրս լինեն, ստիպում են խորհել գեղեցիկի մասին, և, որ ամենակարևորն է, արվեստագետի ստեղծագործություններում միավորողը և մղիչ ուժը սերն է։
Ու այդ միավորող սերն է տածում նաև ծննդավայրի` Երևանի հանդեպ։ Ավարտել է Երևանի գեղարվեստաթատերական ինստիտուտը։ Հայաստանի նկարիչների միության և ՅՈՒՆԵՍԿՕ-ի նկարիչների միջազգային ասոցիացիայի անդամ է։
Մասնակցել է բազմաթիվ հանրապետական և միջազգային ցուցահանդեսների, անհատական ցուցահանդեսներ ունեցել բազմաթիվ երկրներում։ Զրույց գեղանկարիչ, քանդակագործ Արմեն Խոջոյանի հետ։
