Հայաստանի հավաքականի կիսապաշտպան Հենրիխ Մխիթարյանը ստացել է «Ռոմայի»՝ Ա Սերիայի ընթացիկ առաջնության «անհատական լավագույն ելույթ» մրցանակը: Հայ կիսապաշտպանը լավագույնն է ճանաչվել «Ջենոայի» դեմ խաղում հեթ-տրիկի շնորհիվ:
Ավելի վաղ Մխիթարյանը ճանաչվել էր «Ռոմայի» դեկտեմբեր ամսվա լավագույն ֆուտբոլիստ: Այդ ամսին Հենրիխ Մխիթարյանն իտալական ակումբի կազմում անցկացրել է յոթ հանդիպում, դարձել երկու գոլի հեղինակ, կատարել է երկու արդյունավետ փոխանցումներ:
Դեկտեմբերի 25-ին Մխիթարյանն արդեն տասներորդ անգամ ճանաչվել է Հայաստանի լավագույն ֆուտբոլիստ։