Վարչապետի որոշմամբ երեկ Դավիթ Խուդաթյանը նշանակվել է Արմավիրի քաղաքային համայնքի ղեկավարի պաշտոնակատար: Դավիթ Խուդաթյանն Արմավիր քաղաքի բնակիչ է, մասնագիտությամբ տնտեսագետ-կառավարիչ, Քաղաքացիական պայմանագիր կուսակցության անդամ է, Կուսակցության Արմավիրի տարածքային կառույցի ղեկավար:
Աշխատանքային առաջին օրը Դավիթ Խուդաթյան հասցրել է ծանոթանալ աշխատակազմին և լինել Արմավիր քաղաքի մի քանի մանկապարտեզում, մարզական դպրոցում, որտեղ ծանոթացել է աշխատանքային պայամններին ու խնդիրներին: Դավիթ Խուդաթյանը 27 տարեկան է և քաղաքական առաջին պաշտոնն է ստանձնել, որին մեծ պատասխանատվությամբ է վերաբերվում:
Դավիթ Խուդաթյանն ավարտել է Երևանի պետական տնտեսագիտական համալսարանը, մասնագիտությամբ տնտեսագետ, կառավարիչ է, էլեկրոնային կառավարման մասնագետ: Աշխատանքային գործունեությունը սկսել է Արմավիրի վարկային կազմակերպությունում: Քաղաքացիական ակտիվիստ է, մասնակցել է քաղաքացիական մի շարք ակցիաների՝ ,,Էլեկտըրիկ Երևան,, Ոչ թանկացմանը,,
Քաղաքացիական ակտիվությունը չի խանգարել աշխատանքին, գործել է կազմակերպված, ակտիվությունը ցուցաբերել ոչ աշխատանքային ժամերին, իսկ նոր Հայաստանի կառուցման գործում՝ միացել գործադուլին:
Ռադիոլուրի հարցին՝ ճանաչում են արմավիրցիները Դավիթ Խուդաթյանին, քաղաքապետի երիտասարդ պաշտոնակատարը պատասխանեց. ,,Դպրոց, վարկային կազմակերպություն, քաղաքացիական և քաղաքական ակտիվություն, ԱԺ պատգամավորության թեկնածու ,,:
Լինելով Արմնավիր քաղաքի բնակիչ, նա ծանոթ է քաղաքի խնդիրներին, որոնք դասակարգելու է և լուծելու ըստ առաջնահերթության:
Աշխատանքային առաջին օրն արդեն քաղաքապետի պաշտոնակատարն ընդունել է քաղաքացիների, լսել խնդիրները, ընդունել շնորհավորանքները: Կադրային փոփոխությունների հետ կապված Դավիթ Խուդաթյանն ասաց, որ քաղաքապետարանի աշխատակազմի հետ սիրով կաշխատի, եթե նրանք պատրաստ են աշխատել փոփոխությունների տրամաբանությամբ, այնուամենայնիվ՝ չբացառեց կադրային 1-2 փոփոխություն:
