Եղանակային պայմանները թույլ են տալիս գյուղատնտեսական տարին ավելի շուտ սկսելու: Գյուղացիերի համար առաջին նախապայմանը ոռոգման ապահովումն է: Արմավիրի մարզի Լեռնագոգ գյուղում այգիների մեծ մասը չորացել է:
Կառավարությունը Լեռնագոգի հողերի ոռոգումը դիտարկում է միայն Սելավ- աստարա ջրամբարի կառուցմամբ, որը դեռ մշուշոտ ապագայում է: Անապատը մասամբ այգեստան դրաձրած տարածքը դարձյալ անապատացվում է:
Լեռնագոգ գյուղում ոռոգման ջուր լինելու դեպքում շուրջ 1000 հա ազատ հողատարածություն կդրվի մշակության տակ: Եղած 40 հա մրգատու այգիները մի կերպ են ջրում, քանի որ Թալինի ջրանցքից Լռնագոգը ոռոգման ծայրամասային համայնք է: Այգիների մի մասը չոռոգվելու պատճառով չորացել են:
Գյուղացիները ծառերը փրկելու համար տան ծորակից տարաներով ջուր են հասցրել այգիներ: Սակայն այդ կերպ հնարավոր չէ հողերը ոռոգել: Լոռնագոգի այգիները գտնվում են լեռան լանջին և գյուղացիները ոռոգման խնդիր միշտ ունեցել են:
Լեռնագոգի անմշակ տարածքները գյուղից ձգվումն են մինչև Դալարիկի կրակադաշտ: Գյուղում խորքային հոր չկա: Խմելու ջրի արտեզյան ջրհորը նախկին խոզաբուծական տարածքի մոտ է գտնվում, որտեղից էլ ջուրը շուրջ 2 կմ մղվում է 2 ուղղությամբ՝ համայնք և զորամաս:
Լեռնագոգում խորքային հոր չկա, բայց գյուղացիները 2 հորատանցք մատնանշեցին, մեկը հորտվել էր նավթի որոնման, մյուսը՝ ջրի նպատակով:
Համայնքի ղեկավար Սարգիս Մարգարյանն ասաց, որ մեր երկրի անցումային շրջանում Դալարիկի ,Էլևատորշին,, ձեռնարկությունը գյուղում մեկ խորքային հոր էր հորատել, որը չի շահագործվել:
Այս հարցը բարձրացվել էր ջրային տնտեսության պետական կոմիտեի նախագահ Արսեն Հարությունյանի ներկայությամբ մարզում ոռոգման խնդիրների քննարկման ժամանակ: Նշեմ, որ այս տարի մարզի 39 համայնքում նախատեսվել է 50 խորքային հորի հորատում և 30 հորի վերականգնում: Այս ծրագրում Լոռնագոգ համայնքը ներառված չէ:
Եթե խորքային հորը վերականգնվի ու շահագործվի. Ապա փոքր ինչ կմեղմացվի համայնքի ոռոգման խնդիրը: Սակայն կառավարությունը Լեռնագոգի ոռոգման նպատակով այլ ծրագիր ունի՝ Մաստարա սելավատարի վրա նոր ջրամբար է կառուցվելու:
Սելավ Մաստարա ջրամբարի կառուցման հարցը նորություն չէր գյուղացիների համար, գրեթե 5 տարի այն քննարկվում է, բայց դեռ կառուցման նշույլները չեն երևում:
Ս
ելավ Մաստարա ջրամբարի կառուցման նախնական գնահատման արժեքը 31.5 մլն դոլար է, ամբարելու է 10.2 մլն խորանարդ մետր տարողությամբ ջուր՝ Սելավ Մաստարա և Ախուրյան գետերի ազատ հոսքով: Ունենալու է 30մ բարձրությամբ պատվար: Ըստ հաշվարկների , ինքնահոս եղանակով այն կապահովի Հացիկ, Մյասնիկյան, Լուկաշին, Նորապատ, Նորավան և Լեռնագոգ համայնքների հողերը, որի շնորհիվ, դարձյալ ըստ նախնական հաշվարկների, շուրջ 590 հա հողատարածք կդրվի մշակության տակ: Լեռնագոգցիները Սելավ-Մաստարա ջրամբարի կառուցման հետ հույսեր չեն կապում, քանի որ այն համայնքից ավելի ներքև է գտնվում:
Լեռնագոգի կլիմայական պայմանները թույլ են տալիս հողերի մշակումը սկսել Արարատյան դաշտավայրում գյուղատմտեսական աշխատանքներին զուգընթաց, իսկ Թալինի ջրանցքից ոռոգման ջուրը գրեթե 20 օր ուշացումով են տալիս, բաց թողնելու դեպքում էլ ՝ քիչ է հասնում: Չոռոգվելու պատճառով գյուղացիների տարիների աշխատանքը զրոյանալու է, հողերը դարձյալ կանապատացվեն:
