ԵՊՀ պատմության ֆակուլտետի շրջանավարտ Տաթև Ղալթախչյանը 15 տարի աշխատել է Հայոց ցեղասպանության թանգարան-ինստիտուտում։ Աշխատանքին զուգահեռ երկար տարիներ զբաղվելով ձեռագործ աշխատանքով՝ հասկացել է, որ իր ամենակարևոր արժեքներից մեկը ձեռքերն են, և ձեռագործ աշխատանքը իսկական բավարարվածություն և երջանկություն է բերում: Այդպես ծնվեց «TEVQ» արտ-ստուդիան։ «Կարծում եմ, կավն ինքն ընտրեց ինձ, այն ինձ տալիս է ստեղծագործելու անսահման հնարավորություն», — ասում է Տաթևը։
