Պատմական հիշողությունն ու ազգային ինքնությունը. «Հասարակ գիտություն»

Վերջին տարիներին հայկական հանրության հետաքրքրությունը պատմության հանդեպ մեծացել է, ինչը չի բացառվում, որ պայմանավորված է նաև 44-օրյա պատերազմում կրած պարտությամբ։

Կարելի է ենթադրել, որ անցյալի, հատկապես՝ վերջին 100 տարվա տարբեր իրադարձություններում մենք փորձում ենք գտնել ներկա ձախողումների պատճառները։ Այս իմաստով արդիական է պատմական հիշողության և ազգային ինքնության մասին մտորումները, որոնք փոխադարձ շաղկապված և միմյանց լրացնող հասկացություններ են։

Սոցիոլոգիական գիտությունների դոկտոր, ակադեմիկոս Գևորգ Պողոսյանի հետ զրուցում ենք հայ հասարակության պատմական և սոցիալական հիշողության մասին, փորձելու ենք գտնել դրանց կապը ազգային ինքնության հետ։