Սոցիալական ցանցերն աշխարհում արդեն այնքան են գերակշռում, որ գիտնականները մտածում և խոսում են իրական և վիրտուալ հաղորդակցության համազորության մասին։ Նույնիսկ մտահոգություն կա, թե սոցցանցը կարող է աստիճանաբար փոխարինել իրական սոցիալական շփումներին։ Գուցե վերջին միտքը փոքր-ինչ չափազանցված է, սակայն կարծում ենք, մտածելու տեղիք տալիս է։
«Հասարակ գիտություն» հաղորդման հյուրը ԵՊՀ-ի սոցիոլոգիայի ֆակուլտետի կիրառական սոցիոլոգիայի ամբիոնի ասիստենտ Անրեիտա Կարապետյանն է։ Նա վերջերս ուսումնասիրություն է արել հայկական հասարակության սոցցանցային նախասիրությունների մասին։
