20-րդ դարը համաշխարհային քաղաքականության հորձանուտում ընդգրկեց Ամերիկայի Միացյալ Նահանգները, որը մի քանի տասնամյակում դարձավ աշխարհի ամենահզոր երկրներից մեկը։ Ամերիկայի քաղաքական հայտը կառուցված էր ժողովրդավարության տարածման գաղափարի վրա, որն ինչպես դարասկզբին, այնպես էլ 20-դարի վերջին տասնամյակներում ընդգրկեց նաև Հայաստանը։
Անկախության հռչակումից հետո Միացյալ Նահանգները զգալի աջակցություն էին ցուցաբերում Հայաստանին՝ ժողովրդավարության կառուցման գործում։
«Հասարակ գիտություն» հաղորդաշարի հյուրը «Ամերիկյան գործոնը Հայաստանի և Վրաստանի ժողովրդավարության աջակցման գործընթացում» մենագրության հեղինակ, Երևանի պետական համալսարանի միջազգային հարաբերությունների ֆակուլտետի դասախոս Նարինե Մկրտչյանն է։
