Փետրվարի 3-ին «Անուշ» գործարանի վերելակի հորանն ընկած քաղաքացին մահացել է: Հիշեցնենք՝ երեկ ժամը 15.38-ին ահազանգ է ստացվել, որ «Անուշ» գործարանի վերելակի հորան մարդ է ընկել: Դեպքի վայր է մեկնել փրկարարական ուժերի վարչության հատուկ փրկարար ջոկատը: Պարզվել է, որ 56-ամյա Գագիկ Նազարյանը 5-րդ հարկից ընկել է առաջին հարկում կանգնած վերելակի տանիքին: Ժամը 15.53-ին փրկարարները տուժածին դուրս են բերել վերելակի հորանից եւ հանձնել շտապօգնության աշխատակիցներին: Տուժածը տեղափոխվել է «Մալաթիա» Բժշկական կենտրոն, որտեղ 16.40-ի սահմաններում մահացել է:
