Հայկական ձեռագրերը զարդարող մանրանկարները այսօր էլ չեն կորցրել իրենց հմայքը` ասում է մանրանկարչուհի Աննա Մարգարյանը։
Դրանք կարելի է տեսնել զգեստների, պայուսակների, ամանեղենի վրա։
Մանրանկարիչն ասում է, որ տարիների վարժանք է պետք՝ նկարելու այնպես, որ կրկնօրինակը չտարբերվի բնօրինակից, բայց շնորհք ու սեր ունեցողը յուրացնում է դժվարին այս տեխնիկան և կարողանում է օգտագործել մանրանկարները թե՛ իրերը, թե՛ բնակարանը զարդարելու համար։
Հատկապես արագ են տիրապետում մանկարչության գաղտնիքներին երեխաները։ Դա զարգացնում է նաև նրանց մանր մոտորիկան և գեղեցկացնում ձեռագիրը։
«Հայկական մանրանկարչությունն ունի ապագա», – ասում է Աննա Մարգարյանը, որը բացել է ստուդիա և ցանկացողներին սովորեցնում է արվեստի այս տեսակը։