«Եվրատեսիլ 2022» երգի միջազգային մրցույթում Հայաստանի ներկայացուցիչ Ռոզա Լինի «Snap» երգը դարձել է «Եվրատեսիլ»-ի պատմության ամենաշատ լսված 2-րդ երգը Spotify-ում, ասված է «Եվրատեսիլ»երգի մրցույթի ինստագրամի էջում:
«Snap»-ն առաջ է անցել «Zitti e buoni»-ից՝ դառնալով Spotify-ում բոլոր ժամանակների 2-րդ ամենաշատ հեռարձակվող Եվրատեսիլյան երգը՝ «Arcade»-ից հետո:
«Հայաստանի ներկայացուիցչ Ռոզ Լինը նոր ռեկորդ է սահմանել: Նրա «Snap» երգը այժմ երկրորդ ամենաշատ լսված եվրատեսիլյան երգն է Spotify-ում»,-ասված է գրառման մեջ։
Ռոզան Հայաստանը ներկայացրել է «Եվրատեսիլ 2022» երգի մրցույթում: Նա լինելու է դեկտեմբերի 11-ին Երևանում կայանալիք «Մանկական Եվրատեսիլ 2022»-ի հատուկ հյուրը: Ռոզան կկատարի SNAP երգը ինտերվալային գործողություններից մեկի ժամանակ։
Երգն այժմ աշխարհի հիթ-շքերթներում է: «Snap»-ը պլատինե սերտիֆիկացվել է եվրոպական մի շարք երկրներում, այդ թվում՝ Իտալիայում:
2022 թվականի օգոստոսին նա ձայնագրման պայմանագիր ստորագրեց Columbia Records-ի հետ։
