Լիբանանում անկայուն տնտեսական և քաղաքական իրավիճակը երկարում է անորոշ ժամանակով։ Այս ամենին ավելացած համաճարակն ավելի է սրում, առանց այդ էլ փխրուն, սոցիալ-տնտեսական պայմանները։ Կրկին խոցելի են դառնում հայկական վարժարանները։
Դրանց թվում է երկարամյա պատմություն ունեցող Բեյրութի Համազգայինի Մելանքթոն և Հայկ Արսլանյան ճեմարանը։ Ի՞նչ ճանապարհ է անցել Ճեմարանը։ Ինչպիսի՞ն է նրա ներկան։ Ի՞նչ խնդիրներ ունի այսօր։
«Համազգայինի Մելանքթոն և Հայկ Արսլանյան ճեմարանի անցյալն ու ներկան» թեմայի շուրջ բարձրացված հարցերի քննարկում Ճեմարանի տնօրենուհի Փաուլա Եղիայանի հետ։