Ինչպե՞ս ու ի՞նչ ժամկետներում են գնումներ կատարում գիտական կենտրոնները․ «Մտքի ուժը»

Առանց նյութերի ու սարքավորումների հնարավոր չէ որևէ հետազոտություն իրականացնել։ Դրանք ձեռք են բերվում գնման միջոցով։ Սակայն պարզվում է՝ միշտ չէ, որ անհրաժեշտ նյութերը, սարքավորումներն ու իրերը ձեռք բերելը հեշտ է։

Ֆինանսական սուղ միջոցներին ավելացել են դրանք գնելու հետ կապված քաշքշուկներն ու խնդիրները։ Ներկայիս կարգավորումները, գնման գործընթացը մի քանի անգամ թանկացնում են,- «Մտքի ուժ»-ին պատմել են գիտահետազոտական ինստիտուտների տնօրեններն ու աշխատակիցները։

Նրանք ժամկետների մեջ չեն տեղավորվում, անհրաժեշտ նյութերն էլ ձեռք են բերում թանկ գնով։ Ֆինանսների նախարարությունը գիտնականներից առաջարկների մի ամբողջ փաթեթ է ստացել, այժմ դրանք ուսումնասիրման փուլում են։