ՀՀ Արդարադատության նախարար Արտակ Զեյնալյանը հայտնել է, որ դատապարտյալների համաներման նախագիծը հոկտեմբերի 23-ին կներկայացվի խորհրդարանի քննարկմանը:
Երևանի քաղաքապետարանում լրագրողների հետ զրույցում Զեյնալյանը նշեց, որ լինելու է ամենածավալուն համաներումը Հայաստանի եւ Երեւանի հիմնադրման պատմությունից ի վեր:
«Նախագիծը հոկտեմբերի 23-ին կներկայացվի Ազգային ժողովի քննարկմանը: Մինչ այդ քննարկումները փակ են»,- հավելեց Արդարադատության նախարարը:
Կառավարությունն արդեն հավանություն է տվել համաներում հայտարարելու մասին նախագծին:
